शेतकऱ्यांच्या हक्कासाठी यवतमाळमध्ये धडक मोर्चा; जिल्हाधिकाऱ्यांना मागण्यांचे निवेदन सादर

यवतमाळ,दि.१२ सप्टेंबर – जिल्ह्यातील शेतकऱ्यांच्या ज्वलंत प्रश्नांवर तोडगा काढावा,या मागणीसाठी आज यवतमाळ शहरात शेतकरी चळवळीच्या न...

यवतमाळ,दि.१२ सप्टेंबर –

जिल्ह्यातील शेतकऱ्यांच्या ज्वलंत प्रश्नांवर तोडगा काढावा,या मागणीसाठी आज यवतमाळ शहरात शेतकरी चळवळीच्या नेतृत्वात व संभाजी ब्रिगेडच्या सहकार्याने आज दिनांक १२ सप्टेंबर (शुक्रवार) रोजी भव्य मोर्चाचे आयोजन करण्यात आले.संविधान चौक,डॉ.बाबासाहेब आंबेडकर स्मारक येथून निघालेला हा मोर्चा घोषणाबाजीसह जिल्हाधिकारी कार्यालयावर धडकला.

मोर्चाच्या माध्यमातून शेतकऱ्यांच्या मूलभूत व तातडीच्या मागण्या जिल्हाधिकाऱ्यांना निवेदनाद्वारे सादर करण्यात आल्या.यामध्ये ई-पिक पाहणीतील त्रुटी दूर करून कालावधीवाढ,कापूस व सोयाबीनला हमीभाव,कापूस आयातबंदी,किसान ॲपमधील त्रुटी दूर करणे,अतिवृष्टीग्रस्त शेतकऱ्यांना तातडीने मदत,ओला दुष्काळ जाहीर करणे,कर्जमाफीची अंमलबजावणी,तसेच सीसीआय व नाफेडच्या खरेदी व्यवस्थेत सुधारणा यांसारख्या मागण्या प्रमुख आहेत.

या मोर्चामध्ये संभाजी ब्रिगेडचे जिल्हाध्यक्ष अभिलाश खंडारे,मराठा सेवा संघाचे जिल्हाध्यक्ष ज्ञानेश्वर गायकवाड, राष्ट्रवादी काँग्रेस शरदचंद्र पवार पक्षाच्या जिल्हाध्यक्षा वर्षा निकम,शहर काँग्रेस अध्यक्ष प्रा.डॉ.बबलू उर्फ अनिल देशमुख,ऍड.सीमा तेलंगे,शेतकरी आंदोलक कॉम्रेड सचिन मनवर,प्रा.पंढरी पाठे,प्रसिद्ध कापूस उत्पादक शेतकरी नारायण बेंडे,शुभम बेंडे,राहुल मांगूळकर,विद्या परचाके,मंगला सोयाम,लियाकत शेख,लीना नैताम,संगीता मडावी,रेखा सीडाम,विनोद दोंदल,आदेश रोडे,बाळू निवल,वृषभ गुल्हाने,संतोष कोरडे,संभाजी भिवकर,संतोष गोरलेवार,संतोष जुमनाके,गजानन गेडाम,दामोदर बेंडे,मनोज पाचघरे,हरी वाडेकर संतोष इटकरे,प्रकाश कांबळे,मनोज झाडे,राजू बाहेकर,अमन माळोदे,यांसह अनेक सामाजिक संघटनांचे पदाधिकारी व मोठ्या संख्येने शेतकरी उपस्थित होते.

मोर्चाच्या माध्यमातून शेतकऱ्यांच्या प्रश्नांवर तातडीने सकारात्मक कार्यवाही करण्याची मागणी करण्यात आली.यानंतर निवेदनाची प्रत जिल्हाधिकारी यवतमाळ यांच्या मार्फत मुख्यमंत्री,उपमुख्यमंत्री,कृषी मंत्री, सहकार मंत्री,अन्न व नागरी पुरवठा मंत्री तसेच कॉटन कॉर्पोरेशन ऑफ इंडिया व नाफेडच्या संबंधित अधिकाऱ्यांना सुद्धा पाठविण्यात आली आहे.

संपूर्ण जिल्ह्यातील शेतकऱ्यांच्या जीवन-मरणाशी निगडित प्रश्न सोडवण्यासाठी सरकारने त्वरित निर्णय घेणे अत्यावश्यक असल्याचे निवेदनात स्पष्ट करण्यात आले.

#शेतकरीचळवळ #शेतकरीआंदोलन #यवतमाळमोर्चा #शेतकरीहक्कासाठी #कापूसभाव #सोयाबीनभाव #शेतकरीन्याय #ओलादुष्काळ #शेतकरीएकजूट #शेतकरीसंघर्ष #संभाजीब्रिगेड #मराठासेवासंघ #यवतमाळआंदोलन #शेतकऱ्यांचा_आवाज #किसानसंघर्ष